७ भदौ, काठमाडौं । सरकारले औद्योगिक क्षेत्रको जग्गा ओगटेर उद्योग सञ्चालन नगरी बसेका उद्योगहरुलाई हटाउने तयारी गरेको छ । देशका विभिन्न औद्योगिक क्षेत्रमा दर्ता मात्रै गरेर उद्योग निर्माणमा ढिलाइ गर्ने तथा सम्झौता पालना नगर्ने उद्योगसँगको सम्झौता खारेजीको तयारी गरिएको हो ।
औद्योगिक क्षेत्र व्यवस्थापन लिमिटेडले लामो समयदेखि बन्द रहेका, जग्गाको पूर्ण उपयोग नगरेका, उदेश्य अनुसार काम नगरेका उद्योगको जग्गा भाडामा दिने सम्झौता पनि रद्द गर्ने प्रक्रिया सुरु गरेको लिमिटेडका कम्पनी सचिव राजेन्द्र कँडेलले जानकारी दिए ।
एउटै उद्योगले ४८ रोपनी जग्गा कब्जा
