आश्विन १०, २०७२- सदरमुकाम बजारमा बिजुलीबत्ती वरिपरी झुम्मिने मोट्स प्रजातीको सेतो पुतलीले बालबालिकाहरुमा आँखा पाक्ने समस्याले महामारी रुप लिएको छ ।
राति बिजुली बलेको बेला हरेक घरमा सयौं पुतली बत्ती वरपर झुम्मिने गरेका छन् । सेतो पुतलीको पखेटाबाट उड्ने साना कणहरु वातावरणमा फैलिएपछि बालबालिकाहरुमा आँखा पाक्ने खतरनाक ‘सापु’ नामक महामारी फैलिएको जिल्लास्थित सामुदायिक आँखा उपचार केन्द्रका नेत्र अधिकृत रामसिंह तामाङले बताए ।
हालसम्म कुम्पुर र सेम्जोङका २ जनालाई तिलगंगा आँखा अस्पतालमा उपचारका लागि पठाइएको बताउँदै नेत्र अधिकृत तामाङले भने, ‘यो संक्रमणले बालबालिकाहरुको एउटै मात्र आँखाको ३ तह मध्येबीच भागको तहमा पिप जमाएर उपचारमै कठिन बनाउँछ । यस्को उपचार करिव असम्भव छ र बालबालिकाको एउटा आँखा कामै नलाग्ने हुन सक्छ’।
यो संक्रमण भूकम्प पीडित विस्थापित शिविरमा, अति विपन्न, राति अति प्रकाश दिने बत्तीबालेर झ्याल खुलै राख्ने परिवारमा, देखिएको छ ।
जिल्लास्थित आँखा अस्पतालमा विगत एक महिनादेखि दैनिक ५ देखि एक दर्जन बिरामी आउने गरेका छन् ।
जिल्लास्थित आँखा अस्पतालमा विगत एक महिनादेखि दैनिक ५ देखि एक दर्जन बिरामी आउने गरेका छन् ।
